影片
更多
2008-05-28
20 浏览
我係美樂友，睇住佢開張到而家。食過幾次，每次都試不同新產品，可惜每次都失望。以佢d價錢，水準要高d先得。之前食果d唔update唔講啦，上星期晚飯後經過佢門口，見佢個menu有"楊芝金露"，重寫住類似"芝士都可以飲"之類d字。心諗 : 幾有創意，最重要就係我是芝士fans，於是俾多次機會佢，拉埋老公入去，我order楊芝金露，老公要左個凍朱古力湯圓。楊芝金露評價 :賣相幾靚，個兜波浪邊幾特別，但冇墊碟，冇用拓盤，上到枱巳經瀉左d。個waiter放低個兜後仲fing下fing下隻手，好心用條布抹手啦 。 好奇怪呢個價錢竟然冇支似樣匙羹，只俾隻外賣膠羹，唔通懶得洗?????食落 唔夠凍、唔夠芝士味。以芝士作賣點，個名食字食得好正，吸引到好似我呢類cheese 粉絲，但食物冇芝士味，好失望，雷聲大、雨點小，價錢貴遇普通楊枝10蚊，唔會再試........ 凍朱古力湯圓評價 rder時聽到個waiter問 : 要凍定熱? 好奇怪湯圓都有凍ge??? 好，就要個凍ge ; 湯底可選維他命奶或麥精，幾得意，選了麥精。點知上枱時，係暖ge，大煞風景!!!!! 湯圓皮雖然有朱古力味，但嗒落d餡..
之前食果d唔update唔講啦，上星期晚飯後經過佢門口，見佢個menu有"楊芝金露"，重寫住類似"芝士都可以飲"之類d字。心諗 : 幾有創意，最重要就係我是芝士fans，於是俾多次機會佢，拉埋老公入去，我order楊芝金露，老公要左個凍朱古力湯圓。
楊芝金露評價 :
賣相幾靚，個兜波浪邊幾特別，但冇墊碟，冇用拓盤，上到枱巳經瀉左d。個waiter放低個兜後仲fing下fing下隻手，好心用條布抹手啦 。 好奇怪呢個價錢竟然冇支似樣匙羹，只俾隻外賣膠羹，唔通懶得洗?????
食落 唔夠凍、唔夠芝士味。以芝士作賣點，個名食字食得好正，吸引到好似我呢類cheese 粉絲，但食物冇芝士味，好失望，雷聲大、雨點小，價錢貴遇普通楊枝10蚊，唔會再試........
凍朱古力湯圓評價 :
order時聽到個waiter問 : 要凍定熱? 好奇怪湯圓都有凍ge??? 好，就要個凍ge ; 湯底可選維他命奶或麥精，幾得意，選了麥精。
點知上枱時，係暖ge，大煞風景!!!!! 湯圓皮雖然有朱古力味，但嗒落d餡......酸酸地ge......失敗!!!! 重有唔知放左d好似麥皮碎ge物體係湯(麥精維他命奶)入面，食到一口都係，幾核突.....(如果要做凍湯圓，就要解決唔夠凍呢個問題，暖暖地好怪!!!!)
我同老公都食完都冇晒表情。甜品都係食物，做食店都係比心機做好食物質素，唔好嘥左你d創意，其實楊芝d材料配搭唔錯，但成份比例就要改善下，唔夠凍就係打個汁時加多d冰，至於份量比例，自己試多幾次啦。靜得個名吸引都冇用!!!!
題外話 :
有冇覺得港式食肆好奇怪，好鍾意將d外賣膠袋等等物體，放在高處或當眼處，慌死人唔知你有做外賣! 但通常唔多企理，d膠袋有塵有d黑，掛到高一高，有d倒胃。
食物價錢高，裝修有d格調，明明想走中高檔路線，但就比d細節出賣左......收得客呢個價就比心機做好d......食物同環境都要改善。咪以為附近冇競爭者，同區有唔少質素唔錯甜品店。
有創意，都要加多幾錢誠意，至可以更上一層樓架，努力、加油.....
张贴