影片
更多
2021-09-13
2927 浏览
星期日想去飲茶🫖不過唔係間間都有優惠嘅。。誤打誤撞情況下，搵到呢間偏遠小小嘅酒樓。。。呢間係觀塘熟食中心附嘅，地鐵站行過去都有小小距離。。一上電梯就見到啦。。個感覺就係好舊式😂入到去係一個長方形嘅餐廳，有小小迫，而且全場都要搭枱，所以真係覺得迫咖。。但呢間街坊酒樓係有特價點心！好抵食！優惠點心都好多款，應該岩大家食！櫻花蝦薄橕應該唔係即叫即整，因為唔熱。個底偏油，櫻花蝦Um。。我搵唔到，有啲葱咁。煎得厚左小小唔夠脆。雜菌鮮蝦春卷呢個好好食！雖然唔係即炸，但好脆，咬入口脆卜卜，勁鬆化！入面餡料都塞到好滿，讚讚！皮蛋瘦肉粥普通一般水準，唔夠熱，材料好小蟹籽燒賣讚！夠哂熱，粒粒脹卜卜！豬肉餡料又多，仲有蝦仁咖，真心又正又抵食吵嗲金錢肚有小小差，金錢肚大概有4件，醬汁偏咸。金錢肚好un，墊底嘅蘿蔔食入口有渣。no good蟲草花鮮竹卷千祈唔好點！淋到一pat野咁，一夾已經爛哂，食入口就係一pat野咁，唔知食緊乜。花旗參湯蝦餃不叫也罷，好地地蝦餃唔知點解要浸湯？個湯只係普通清雞上湯，花旗參味？無！我相信就咁食蒸蝦餃仲好食。浸左湯個皮變硬又粉，不好吃👎🏻呢度真係好街坊生意，全場大部分都係老人家，見
呢間係觀塘熟食中心附嘅，地鐵站行過去都有小小距離。。一上電梯就見到啦。。個感覺就係好舊式😂
入到去係一個長方形嘅餐廳，有小小迫，而且全場都要搭枱，所以真係覺得迫咖。。
但呢間街坊酒樓係有特價點心！好抵食！優惠點心都好多款，應該岩大家食！
櫻花蝦薄橕
應該唔係即叫即整，因為唔熱。個底偏油，
櫻花蝦Um。。我搵唔到，有啲葱咁。煎得厚左小小唔夠脆。
雜菌鮮蝦春卷
呢個好好食！雖然唔係即炸，但好脆，咬入口脆卜卜，勁鬆化！入面餡料都塞到好滿，讚讚！
皮蛋瘦肉粥
普通一般水準，唔夠熱，材料好小
蟹籽燒賣
讚！夠哂熱，粒粒脹卜卜！豬肉餡料又多，仲有蝦仁咖，真心又正又抵食
吵嗲金錢肚
有小小差，金錢肚大概有4件，醬汁偏咸。金錢肚好un，墊底嘅蘿蔔食入口有渣。no good
蟲草花鮮竹卷
千祈唔好點！淋到一pat野咁，一夾已經爛哂，食入口就係一pat野咁，唔知食緊乜。
花旗參湯蝦餃
不叫也罷，好地地蝦餃唔知點解要浸湯？個湯只係普通清雞上湯，花旗參味？無！我相信就咁食蒸蝦餃仲好食。浸左湯個皮變硬又粉，不好吃👎🏻
呢度真係好街坊生意，全場大部分都係老人家，見啲職員同啲食客都有傾有講咁。不過應該地方太舊，覺得好熱，好似無冷氣咁，座得迫左小小，但我覺得價錢同食物質素係成正比嘅。
张贴
