非凡小廚 (已結業)

朋友住紅磡附近，今日嚟搵佢食飯，佢就推介呢間~非凡小廚，主要都係食小菜為主，係有冷氣嘅大排檔。 朋友之前已經試過，話呢間餐廳小炒鑊氣好夠，味道都唔錯。所以我哋四個人，就叫咗四個餸，價錢都唔算太貴，座位方面~就有少許窄，但都ok嘅。晚市繁忙時間都冇趕人走，但你見到出面有人等位，都唔好意思食完走啦。叫咗涼瓜炆倉魚，涼瓜炆火腩(大家變咗涼瓜控)， 椒鹽骨同椒鹽軟殼蟹(椒鹽系列)上菜速度都快，樣樣都熱辣辣，味道夠重，三五知己嚟食都唔錯。