楊記麻辣魚館 (萬成大廈)

最近天氣開始凍， 想食暖笠笠嘅飯餸。 喺葵興， 有一間街坊小炒，專賣麻辣及港式小菜， 平日夜晚吸引左好多街坊或打工仔嚟食。 🥰

餐牌有好多港式小炒，亦有唔少川菜及乾鍋菜式。 一入座便送小食 - 麻辣雲耳，好開胃！ 價錢不貴，套餐最平$63， 有飯有飲品，幾抵食。👍🏻

1）🐟酸菜魚飯 - 餐廳招牌菜， 用鱸魚做主角，每件都大大塊，十分嫩滑，配料例如萵筍、酸菜什多，酸湯煮得唔油膩。 送飯一流！

2）🥦大盆花菜飯 - 花椰菜用孜然及豬油炒， 格外香口，花椰菜新鮮爽口，再加入豬肉炒，好有鑊氣，十分美味

3）🐓鹽焗雞飯 - 我們幸運得到雞髀位， 雞肉鮮嫩，食落啖啖肉。 沾上靈魂鹽焗醬汁，好惹味！

整餐飯真係又平又飽肚！！