果子｜海南雞飯·喇沙摻摻 外賣專門店

营业中

休息中

大角嘴果子係一個好受歡迎嘅外賣店攤位，呢度嘅食物質素好，價錢相對平實，今日叫左2個主食同小食。海南雞飯係呢度嘅招牌菜式，雞肉滑嫩，而且好多舊。佢仲送左個雞湯，湯味道剛剛好，飲落無味精感。油飯調味適中，粒粒分明，配埋佢送嘅3款醬汁，好食！個人最鍾意撈泰式酸辣汁仲有海鮮喇沙摻摻，啲海鮮鮮甜好味，湯底亦都好香濃，除左蝦，clam仲有魚蛋，雞蛋。摻摻係油麵同米粉mix埋，吸曬d喇沙湯勁惹味，唔會過鹹或者好似平時d湯咁死甜。佢椰奶都落得相對比較少，適合我呢d鍾意食得健康d嘅人去食！沙爹豬串燒同酸辣鳳爪都好出色，沙爹醬汁香濃，鳳爪肉質鮮嫩，醬汁酸辣開胃，有6隻。除咗呢啲菜式之外，大角嘴果子仲有好多唔同嘅小食選擇，例如蝦餅、炸春卷等等。