雲桂川冰室 (已結業)

茶餐廳做街坊生意，價錢平，今日下午茶時間未太多人，但未吃早餐，好肚餓，決定吃飽一點。水煮魚面層紅油望落好刺激，辣中帶麻香，少辣，魚塊肉質鮮嫩，好入味。海鮮花膠豆腐煲材料豐富，蝦爽口、魷魚爽、豆腐香滑，味道清淡，適合老人家和小朋友食。XO醬海鮮炒烏冬有蝦、火腿、爽脆芽菜、香甜洋蔥、香蔥等多款材料，XO醬少少辣，鹹香惹味，好大碟。菠蘿冰內菠蘿粒清甜，清新解渴。咖啡 香醇幼滑。每款餸菜份量多，上菜快，下次可以再黎。