利興

環境: 冷氣唔多夠，食咗幾個字後開始標汗，幸好重有把heavy duty嘅掛牆牛角扇在附近，否則似足焗桑拿...

食物: 價錢大衆化，三個人點咗五個餸(韮菜豬紅、紅燒乳鴿一隻、椒絲腐乳通菜、豉椒鵝腸和椒鹽瀨尿蝦[大])，除咗乳鴿略嫌炸得不夠香脆和肉有D靱外，其他餸水準都唔錯。最後捧住個肚走埋單兩舊水有找個＋蚊銀，都算抵食。

總評: 對西灣河及筲箕灣一帶的街坊嚟講利興絕對係一個唔錯嘅開飯地方。略嫌昨晚附近玩大話骰嗰堆中坑太投入，不時大力拍枱和爆粗，同場加映了一場市井處境小品，真係都幾嘈... 但整體上都滿意這次飯局嘅！