北角煮飯仔 (已結業)

收工唔想自己番屋企煮飯仔，黎左呢間北角煮飯仔嘅街坊外賣店，選擇多多，除左兩餸飯之外，仲有點心、台式小食，另外仲有即叫即炒嘅炒粉麵。我今日主食揀左重慶酸辣粉（$15），價錢相當抵食，味道亦夠酸，薯粉又有咬口，煮得剛好。小食揀左墨魚腸（$9/條）、椒鹽雞軟骨（$20）、鹽酥雞（$20）、麻辣豬耳（$32）、炸墨魚丸（$12/3粒）。小食係炸為主，但食落又唔覺得好油膩，炸皮亦唔算過厚。雞軟骨好有口感。墨魚腸真係第一次食，原來可以咁樣整。豬耳咬口啪啪聲，調味唔會過辣。點心揀左呢款蒸嘅山竹牛肉球（$10/3粒），都大大粒架，口感似魚蛋再粉少少。另外再飲杯凍奶茶，好有水準，茶濃奶香。