影片
更多
2017-10-26
627 浏览
好耐無食上海菜, 次次食上海菜由前菜到主菜到甜品都係樣樣想食揀唔落手,哈哈!今次都唔例外, 去左長沙灣元州商場地下試呢間, 見佢沙田等都有分店, 呢間就會比較方便, 雖然坐落街坊商場, 食客都應該附近居民為主, 不過裝修都好新淨同埋好闊絡, 又唔怕食食下會比人趕。 自選尚點涼菜 $79上海菜既前菜花款咁多, 到底揀咩好?!! 唔緊要, 因為有得揀拼盤XD 分別係涼菜入面揀3款同肉類入面揀1款, 雖然一碟4款但份量又唔少喎!!! 涼菜我就揀左涼拌茄子、開洋拍青瓜、雞絲粉皮, 肉就揀左五香牛展。開洋拍青瓜當然係最清既涼菜, 但拌以蝦米同微微咸香唔會過淡, 最正係拌茄子!!!個醬汁又濃又甜, 加埋涷食同茄子非常相襯, 估唔到最簡單既涼菜反而可以咁驚喜~~~ 雞絲粉皮量都唔少, 麻醬平均拌於每條粉皮中, 唔會有漏網之魚, 麻香幾足不過再多D醬就仲好。牛展切薄片有六七片, 味道不濃不淡剛剛好, 冷涷口感加埋肉質彈牙, 唔錯喔。 花雕醉雞 $70都話我好中意食前菜XD 所以又點埋醉雞, 次次都一定要點呀!!!呢到醉雞個擺盤最有心思, 將雞件拼成圓拱型, 再以芫茜做裝飾, 賣相好好, 酒浸住雞肉,
自選尚點涼菜 $79
上海菜既前菜花款咁多, 到底揀咩好?!! 唔緊要, 因為有得揀拼盤XD 分別係涼菜入面揀3款同肉類入面揀1款, 雖然一碟4款但份量又唔少喎!!!
涼菜我就揀左涼拌茄子、開洋拍青瓜、雞絲粉皮, 肉就揀左五香牛展。開洋拍青瓜當然係最清既涼菜, 但拌以蝦米同微微咸香唔會過淡, 最正係拌茄子!!!個醬汁又濃又甜, 加埋涷食同茄子非常相襯, 估唔到最簡單既涼菜反而可以咁驚喜~~~
雞絲粉皮量都唔少, 麻醬平均拌於每條粉皮中, 唔會有漏網之魚, 麻香幾足不過再多D醬就仲好。牛展切薄片有六七片, 味道不濃不淡剛剛好, 冷涷口感加埋肉質彈牙, 唔錯喔。
花雕醉雞 $70
都話我好中意食前菜XD 所以又點埋醉雞, 次次都一定要點呀!!!
呢到醉雞個擺盤最有心思, 將雞件拼成圓拱型, 再以芫茜做裝飾, 賣相好好, 酒浸住雞肉, 未食都聞到好大浸酒香。
雞件算多, 但size較細雞肉唔夠多, 墊底既係雞翼, 亦唔係我愛既雞胸同雞肶呢~~所以有點失望了。
紅燒肉刈包 $34
雖然食上海菜都係食小籠包、饅頭等, 但見餐牌有刈包, 一於試下佢, 始終唔常見! 有得揀雞扒豬扒等, 但價錢都係三十幾蚊, 幾平, 最後揀左紅燒肉, 即係平時食既東坡肉呢~~
一上枱用個大籠裝住, 比想像中起碼大一倍!!! 熱辣辣一摸個包皮好軟熟, 食落更加明顯, 咬落每啖都FEEL到個包幾煙韌同柔軟, 相信呢到其他包都係一樣高質, 不過個包好大, 紅燒肉就無咁大, 佔左個包一半左右, 另外有堆辣味酸菜作配料, 紅燒肉一半肥膏一半肉, 肉質幾鬆化入味, 但酸菜味道更強烈, 所以呢個包都幾重口味同埋油膩。
金網生煎鍋貼 $36
呢個一定係我見過賣相最靚既煎鍋貼!!! 雖然都係三十幾蚊, 但唔講以為係去咩酒樓lol, 如其名五隻鍋貼以金絲網連住, 完完整整既金網, 食落果然超級香脆, 脆過食薯片!!!
窩貼頗大隻,而且幾厚皮, 底部係金網絲增添脆感, 本身咁煎都幾油膩, 反而肉餡比想像中清淡, 調味唔重手。
賽螃蟹 $54
原來小菜一至四晚有七折, 本身原價都唔貴, 折左而家都係五十幾蚊, 平日食晚飯的福利yeah!
份量好多!!! 蛋白炒得多之餘油膩感唔重, 調味清淡但不失香口, 拌以毛豆蘿蔔片, 仲有為數不少既爽口蝦仁, 五十幾蚊好抵食呢!
秋天就是蟹既季節, 見佢有一系列既蟹粉菜式, 最想試係佢蟹粉小籠包, 不過實在叫得太多菜式, 所以揀左蟹粉翡翠苗, 滿蓋菜苗既蟹黃芡汁, 加埋翡翠苗, 兩者一齊食無咁單調, 食極都仲有, 平時真係少機會食菜苗呢, 幾足料, 蟹粉味再重手啲會更香口。
提提大家要收茶芥, 不過三蚊~ 店員都好nice呢~
张贴
