影片
更多
2019-05-01
57 浏览
今日又出開對面海做野 一早睇定食咩心水架啦 一出地鐵就見到大澳德發係對面 個時撞岩食飯時間 都等位呢 本身諗住坐出面 點知坐左陣 入面有人走 就安排我都坐返去入面 唔洗吹風👍🏻👍🏻餐牌比我想像中多選擇 重要唔貴 如果係粥粉麵飯 $50左右有交易 中菜都係$80內 真係多選擇到樣樣都想食 最後男友想食魚 我就想食海鮮 於是點左 西蘭花爆炒帶子龍 球（$148） 同卜卜蜆煲（連泡飯）（$148）重嗌左2杯飲品 其中一杯係爬文推薦既熱檸薏米😎西蘭花爆炒帶子龍躉球加左$20要套餐 個老火湯超大碗 記得係蓮藕湯黎 好好飲 唔似味精湯 $20配對抵加！另外重有一碗白飯。而個龍躉球呢 係我最愛既魚～因爲係冇骨既！！！唔油 啖啖肉 同埋份量都多同大 西蘭花🥦炒完重好翠綠 好爽 而帶子就唔算超大粒 同埋冇魚咁多 但都係好好食之後就到卜卜蜆煲 我諗有50隻以上掛 總之好多 係你面前慢慢煲熟佢 上有 辣椒🌶️同 茜 因為我唔鐘意食 所以預先夾起左比男友 一邊煲 一邊都嗅到勁香 隻隻都開曬口 冇死蜆👍🏻咁新鮮既著法 唔洗講都知好食食完就會加飯 加湯 好似問左 係魚湯黎既 唔會煲到好爛 同埋加左d脆米落去 所
今日又出開對面海做野 一早睇定食咩心水架啦 一出地鐵就見到大澳德發係對面 個時撞岩食飯時間 都等位呢
本身諗住坐出面 點知坐左陣 入面有人走 就安排我都坐返去入面 唔洗吹風👍🏻👍🏻餐牌比我想像中多選擇 重要唔貴 如果係粥粉麵飯 $50左右有交易 中菜都係$80內 真係多選擇到樣樣都想食 最後男友想食魚 我就想食海鮮 於是點左 西蘭花爆炒帶子龍 球（$148） 同卜卜蜆煲（連泡飯）（$148）重嗌左2杯飲品 其中一杯係爬文推薦既熱檸薏米😎
西蘭花爆炒帶子龍躉球加左$20要套餐 個老火湯超大碗 記得係蓮藕湯黎 好好飲 唔似味精湯 $20配對抵加！另外重有一碗白飯。而個龍躉球呢 係我最愛既魚～因爲係冇骨既！！！唔油 啖啖肉 同埋份量都多同大 西蘭花🥦炒完重好翠綠 好爽 而帶子就唔算超大粒 同埋冇魚咁多 但都係好好食
之後就到卜卜蜆煲 我諗有50隻以上掛 總之好多 係你面前慢慢煲熟佢 上有 辣椒🌶️同 茜 因為我唔鐘意食 所以預先夾起左比男友 一邊煲 一邊都嗅到勁香 隻隻都開曬口 冇死蜆👍🏻咁新鮮既著法 唔洗講都知好食
食完就會加飯 加湯 好似問左 係魚湯黎既 唔會煲到好爛 同埋加左d脆米落去 所以口感💯 同埋都有足2碗飯 食到超飽！
最後到飲品 熱咸柑桔🍊足料既 味道正常
但超讚個熱檸薏米水 內有一塊糖冬瓜 同埋大量薏米 唔會太甜 都唔會好似飲水溝dd檸檬🍋既味 真係調得好好飲 必試✅而且餐廳做緊優惠 滿$100就送$50卷 一個月內用 應該好快有下次🤣🤣
同埋讚一下員工服務都好好 我見好多熟客同遊客生意 有d熟客 聽佢地既內容 好似熟到認得曬咁 幾親切👍🏻👍🏻
张贴
