海灣茶居 (已結業)

黃昏🌇時間同朋友👫一齊喺大角咀，肚仔餓，要覓食，朋友👩🏻‍💼住喺呢區，佢話有時會經過呢間餐廳但係未食過，想試吓，咁我咁順得人就梗係唔反對啦😆叫咗兩個「晚市小菜套餐」，係 $76 嘅「腩叉🐷蝦仁🍤炒蛋」同埋 $78 嘅「絕味口水醬手撕雞🐓」，「晚市小菜套餐」包「白飯🍚、香草綠豆沙」；另加 $25 嘅「白灼生菜🥬」同埋 $10 嘅「雙皮奶」😆，全部 share 嚟食🤩-「腩叉蝦仁炒蛋」：又叉燒🐷又蝦仁🍤一齊炒蛋，材料算幾豐富，雞蛋炒得幾滑😋-「口水醬手撕雞🐓」：唔算好辣，不過味道相當濃郁😋-「白灼生菜🥬」：叫咗全走，感覺健康😆，簡單得嚟幾好食😋-「雙皮奶」：唔係好甜，幾香幾滑😋