貴川風味館 (已搬遷) 新店位置

夜晚唔知食咩好，行到邊都要等位。咁岩呢間有2個位，同男朋友入去試下。2個人一人叫左一碗面食，男朋友叫左經典貴川紅薯粉，我就清湯小鍋米線。我就要走蔥既，因為唔食蔥。我跟娃娃菜、雞翼、豬頸肉食。都只係32元再加10元(一個配菜加5元)都抵食，街坊價。男朋友就加個腩肉、豬腸(大辣)。平時食得好辣既佢今日居然嗌救命話辣，要叫多罐可樂，不過佢話辣得幾過癮。本身做廚房既佢都讚口不絕。整體黎講每樣野都算唔錯，起碼D野唔係凍既，已經好滿足到我。除此之外，D餸係好食既，成件事都算MATCH。有機既會再幫襯！