上海老家 (已結業)

好耐冇食過上海菜啦，呢日就去咗屋企附近嘅上海老家食晚餐。

花膠雲吞雞湯(特價$38)
花膠雲吞雞湯原價$120一盅，而家做緊特價$38真係好抵，所以索性一人一客！每碗湯都有一大塊厚身花膠，骨膠原滿滿。雞湯真材實料，味道鮮甜滋補，仲有大大粒雲吞，皮薄餡靚，實在超值！來到值得一試！

紅燒獅子頭($128)
獅子頭外表紅亮，燉煮得入味鬆化，肉味香濃。底下嘅白菜吸收醬汁嘅味道，同樣滋味。呢道菜式絕對要點飯，醬汁惹味，好易送飯！

上海炒年糕($78)
年糕煙煙靱靱，不過略嫌較為多油同埋調味較重，加多D肉絲味道亦會冇咁單寡。