滬小館

睇完可愛既兔仔，倉鼠，要揾野食。
見到間上海野幾多人食，就入去試下啲小食。

- 雞絲粉皮
冷盤叫咗雞絲粉皮，不過雞絲，青瓜比較少，整體都可以。

- 四川擔擔麵 
擔擔麵係上海餐廳必食既，但係間間既湯底都唔同，真係要試下先知好唔好。
花生同麻醬好香，微辣，但係湯底比較水，可以再濃啲。

雲呑雞湯

- 雲呑雞湯
一個細盅，一人份量，足料，湯同雲呑都好食，性價比高。

鮮肉小籠包

- 鮮肉小籠包
皮薄多湯汁，要小心啲食。

上海生煎包

- 上海生煎包
可以叫2隻，人少都可以試下。
包子鐵鍋上，底部煎得香脆，入面肉多汁多。