阿翁廚房 (已結業)

自從搬咗去西灣河之後，筲箕灣突然變得好近，搭叮叮10分鐘就到啦！亦都因為咁，我哋美食地圖就擴展到去平時比較少去嘅港島東筲箕灣，今日我哋又去咗試天悅廣場附近嘅阿翁廚房，試下呢間街坊上海小店。手拍小青瓜小青瓜新鮮爽脆，入口辣辣地，非常醒胃。阿翁上湯小籠包小籠包即叫即蒸，好大隻。雖然嗰皮唔係好薄，但勝在裏面好多湯汁，好足料。上海湯粗原本想食上海粗炒，不過因為A姐唔想咁油膩，所以我哋揀咗上海湯粗。湯底香濃，而且十分足料，唔錯。上海回鍋肉細個嗰陣，屋企人每次食上海嘢都會叫回鍋肉。呢到嘅回鍋肉炒得好有鍋氣，非常入味，豬腩肉肥瘦啱啱好，加埋豆乾同椰菜，正！