潮興牛雜粉麵專家

當諗唔到食咩既時候，就會成日諗起食潮州粉麵❤️

哩間粉面店可算係紅磡街坊必定識嘅鋪仔，叫得鋪仔梗係細細間，搞掂快啲食完嘅粉麵式快餐啦😂

嚟到食粉麵，我自己必定揀雲吞牛腩麵！雲吞都算大粒，皮好薄，每粒都有2-3隻蝦仔，味道同口感都對得起個價錢～

至於牛腩就係坑腩為主，肥中帶瘦有口感，牛腩嘅牛油香揀直為個麵嘅湯底升華到不得了。

麵底就無我最怕嘅簡水味，配埋佢地自家製嘅辣椒油，一絕！

如果嚟開紅磡想快食粉麵嘅，絕對推薦哩間😎