3
估唔到鋪頭細細間，竟然有滑蛋蒲燒鰻魚飯！😱 老闆娘話係最近先新推出嘅，緊係要叫嚟試吓啦！嘩，竟然係「圖文不符」！明明幅圖係得幾舊仔嘅鰻魚，個飯送出嚟係成條鰻魚嚟㗎囉！🥺 賣$58嘅鰻魚飯簡直超值啊，仲有滑蛋真係滑嘟嘟㗎！😋
1
講到香港嘅特色街頭小食，點少得煎釀三寶、韮菜豬紅、豬皮蘿蔔，同茶葉蛋呢？！今晚咁啱賣晒蘿蔔，唯有「怒叫」晒其餘三樣啦！😆 煎釀三寶$10有六件任選，煎得剛剛好唔會太熱氣，又唔油膩。韮菜豬紅$20份量十足，調味唔會太重口味，豬紅亦大大粒唔會一夾就散。茶葉蛋$10三粒，咬開可以見到成個蛋白都變晒色，滷到入晒味！😋
見到小店寫住「馳名食雞」，我哋兩隻「雞精」又點可以錯過呢？！😎 招牌蔥油雞扒好特別，厚肉嘅雞扒煎得好香脆，配埋招牌蔥油非常香口！仲叫咗麻辣手撕雞，叫咗中辣食落都唔算好辣，下次可以挑戰大辣喎～😌 一碗手撕雞裡面超豐富，有雞絲、芽菜、菜甫、紅蘿蔔絲等等，非常之足料好味！獲得「雞精」誠意推介～🤣
好耐冇咁樣坐喺街邊食街頭小吃，平民嘅價錢就可以食到咁多特色小食，真係好滿足啊！
