孖啡 (已結業)

Double Cafe呢間cafe 可以話真係好抵食 同埋好值得去試 佢地所有野食嘅性價比都好高 如果係lunch 時段去就更加唔洗講喇！ 如果同閨蜜 係旺角行街 行到攰 或者 想搵個地方抖下 呢個地方真係啱曬！🥘香蒜白酒蜆意大利粉 意粉軟硬適中，好多好多既蜆肉，味道同份量都好夠。但如果個汁掛到上意粉就更好，依家有啲偏向似湯意粉。🥘軟殼蟹黑松露忌廉意大利粉一般係出面食軟殼蟹 都好貴 今次係呢間食絕對唔會有呢種感覺 佢嘅軟殼蟹 係原隻咁上 加上本身好鍾意黑松露嘅人 就更加係錦上添花 鍾意黑松露 軟殼蟹嘅不如黎呢到試一試！🍺薄荷巧克力朱古力味都係朱古力味 唔會好濃厚 因為叫左薄荷 薄荷溶入啲cream 同埋 朱古力 有啲薄荷feel 真係好令人有一種清新嘅感覺🍺愚者一開始睇個名好得意，佢有淡淡既玫瑰味，飲落幾清爽，夏天飲真系幾好！