威記海鮮酒家

营业中

休息中

見呢幾日天氣幾好，決定做一啲有益身心嘅活動。先係入南丫島行山再食海鮮餐。本身諗住行一陣，以為就到就到，我哋由榕樹灣行咗兩個鐘到索罟灣。行完又渴又攰又肚餓，即刻搵嘢食醫肚。我哋諗緊食海鮮邊間好，見到最有名嘅天虹有埋船接送客出返巿區，但係最後都係揀咗旁邊嘅小店威記海鮮酒家幫襯。我哋坐喺海邊嘅位，客人唔多，但食物質素我哋兩個滿意。蝦用最簡單嘅白灼，蝦新鮮而且唔細。炒蟶子，好惹味，份量都幾滿意☺。椒鹽鮮魷，粉漿有啲厚，鮮魷新鮮彈牙😆。蒸扇貝，夠大隻，粉絲又多吸晒啲汁好味。蒸海斑，唔太大條，蒸得啱啱好，好滑。