八道餐廳 (已結業)

上星期去行山之前去咗呢間小店食 門面唔算好起眼 但入到餐廳個環境都幾大下 有個廁所方便食飯前清潔雙手 我叫咗個牛肝菌汁雞扒意粉（$45，學生$40）牛肝菌汁多到鋪滯成碟意粉，食落去都幾香蘑菇味，而且個汁仲有好多粟米同蘑菇，口感夠晒豐富😍而連皮雞扒係切開左四舊，份量剛剛好，雞扒略多脂肪，但肉質都算鮮嫩😍意粉份量稱得上係海量，好彩汁夠多，食到最尾意粉都有汁送入口，夠晒飽肚 😍而午市嘅餐飲仲可以升級到紅豆冰😍 紅豆份量豐富，粒粒分明有咬口，甜度較低，啱晒健康人士😂 另外，呢度嘅侍應姨姨服務應度好好，好親切，值得再嚟支持！