影片
更多
2022-08-13
1329 浏览
呢兩年冇得去旅行，多咗時間留在香港，所以多左發掘香港嘅好地方。朋友提議去鴨脷洲玉桂山行山，我就當然負責尋找美食。無意之中起YouTube 見到有個YouTuber Stephen Leung 介紹鴨脷洲食蟹，我同朋友本身都好喜歡食海鮮，而鴨脷洲又起海附近，相信海鮮應該唔差，就決定去完玉桂山行山就去食海鮮！玉桂山嘅風景好靚，所以被稱為港島南神秘花園！行完山我哋急不及待去到鴨脷洲西邨街市蟹點食海鮮！地點都好方便，就是海怡半島地鐵站行前少少！雖然係起鴨脷洲西邨街市，但是內裏環境比我想像中乾淨得多，又新淨，又有冷氣，同時又保持街市熱鬧的氣氛！上菜速度十分快招牌白胡椒蟹（大蟹)$598做咗功課，見到好多人都推介嚟呢度要食蟹，而白胡椒蟹就是招牌菜白胡椒蟹是用鐵板奉上的，可以保持溫度，上菜後，侍應會即場倒上白胡椒汁，因為鐵板的熱力遇上白胡椒汁，會發出吱吱的聲音，而香味亦會更加濃烈！這隻蟹很大隻，一隻蟹已經沾滿了整個鐵板。蟹好夠份量，好實肉，每一啖都係厚厚的蟹肉！白胡椒汁好味，但不會搶過蟹肉的鮮味，兩者好夾，令我想起之前在新加坡食的白胡椒蟹，同樣出色！椒鹽鮮魷$98鴨脷洲呢個多海鮮食嘅地方，點可以只叫
玉桂山嘅風景好靚，所以被稱為港島南神秘花園！行完山我哋急不及待去到鴨脷洲西邨街市蟹點食海鮮！地點都好方便，就是海怡半島地鐵站行前少少！
雖然係起鴨脷洲西邨街市，但是內裏環境比我想像中乾淨得多，又新淨，又有冷氣，同時又保持街市熱鬧的氣氛！
上菜速度十分快
招牌白胡椒蟹（大蟹)$598
做咗功課，見到好多人都推介嚟呢度要食蟹，而白胡椒蟹就是招牌菜
白胡椒蟹是用鐵板奉上的，可以保持溫度，上菜後，侍應會即場倒上白胡椒汁，因為鐵板的熱力遇上白胡椒汁，會發出吱吱的聲音，而香味亦會更加濃烈！
這隻蟹很大隻，一隻蟹已經沾滿了整個鐵板。蟹好夠份量，好實肉，每一啖都係厚厚的蟹肉！白胡椒汁好味，但不會搶過蟹肉的鮮味，兩者好夾，令我想起之前在新加坡食的白胡椒蟹，同樣出色！
椒鹽鮮魷$98
鴨脷洲呢個多海鮮食嘅地方，點可以只叫蟹！我哋仲叫咗椒鹽鮮魷！
呢度嘅鮮魷有幾種煮法，包括金沙鮮魷、韭菜花炒鮮魷和豉椒炒鮮魷，我們最後選擇了椒鹽！
鮮魷炸得脆，而炸粉亦不會好厚。最重要是椒鹽味道十分出眾，好脆！
滷水鵝片$188
這間餐廳好特別，除了有很多海鮮菜式外，還有潮式打冷，啱晒鍾意多元化的香港人！
雖然餐廳主打食海鮮和蟹，但是這個滷水鵝片也好味，鵝味濃，而且入味，肉質嫩！
豉油王炒麵$78
雖然看似是很普通的炒麵，但是一吃下去就發現很有鑊氣，跟一般的炒麵味道不一樣，除了炒麵，配菜也炒得好香，配上辣醬一流！
這間隱藏在街市的餐廳讓我有驚喜，除了菜式多元化，食物味道好，仲好夠中菜講求的鑊氣，好適合一大班人黎食，亦都可以相約朋友行完山再嚟食，好充實滿足的一天！
张贴
