老馮茶居 (大棠路)

喺元朗嘅老馮茶居。

我哋叫咗水仙，好好飲。

下午茶時間都好多人等，當時截咗單都有人買外賣，糯米雞好正好多肉，仲有隻雞翼和一嚿鹹蛋黃係裏面，有啲商家在糯米雞放冬菇，呢一間就冇，啖啖肉😍😍啱曬我呢種食肉獸。

叉燒包正常水準，有爆餡畀個讚👍

師傅可能因爲我哋係最屘爾截單嗰場客人，所以條粉腸做得特別厚，餡如果多啲會好啲囉，食到齋腸嘅感覺，至少都拉得幾好食。

好開心我係行完山等位等到5點先有得食，五個點心兩個人足夠飽，感謝師傅巨無霸腸粉，鵪鶉蛋燒賣好食（可能因爲我人生第一次食。

有懷舊嘅感覺😀仲要唔收茶位啊，連加一都無啊！！！啲人態度又好，茶又好有茶味。