珍寶王國 (已結業)

大年初一行完大运顺路驾车到香港仔饮个靓茶，今日我哋扮游客，去海鲜舫食点心。原本上2楼珍宝王国，但太多人了，排队都至少要半小时以上，刚啱头先路过1楼都有得饮茶，但冇人排队，心知一定唔平得几多，但人一世物一世，就试下啦！一入到去，见有室外有盖有枱坐，仲望住游艇会，即request要坐出面，果然冇选择错，当日天气好好，有阳光得嚟有阵阵凉风，空气好，环境静，超级舒服，侍应服务都好细心，餐具都好靓，好叹！不过点心款式唔多，拣左几款点心普洱茶 ﹣ 平时好少讲茶芥，但今次想讲讲，环境味道服务都唔差，入门口前已知价钱已经唔系平，其实可以加多个TEA LIST比人拣下啲靓茶叶饮下嘛，有壶靓茶饮下肯定会再加分啰！下次一定会醒D带私家茶叶嚟。炸云吞 ﹣ 普通炸云吞，但似系刚啱炸好，不过每件既饀份量都唔同，一件里面有虾粒猪肉，但一件可以得斋脆皮冇饀，咁算咩炸云吞呢？就算个甜酸汁好味都咁话啦～no good！芝士鲜菌肠粉 ﹣ 好味！芝士白汁芝味好浓，配鲜菌蒸肠粉，中西合壁，好夹，display简单又靓，呢几款点心里面呢款点心系最快食晒。四式点心 ﹣ 人少少，四式点心最适合，每款一件，可以留位食其他嘢，又唔浪费。