無問題 (已結業)

星期日兩pairs人食完晏入西貢行下市集，多左小攤舖，遊客如我哋亦好多，行到黃昏時分都攰喇，但又未好餓，搵左間對正西貢碼頭嘅餐廳主要飲下酒，呢個時晨呢間望落最多人，環境唔錯，希望食物都好啦，所以一行四人入去攞位；我哋窮飲五十蚊一杯嘅南非紅酒和白酒及earl grey tea ，杯南非紅酒唔錯㗎喎，南非白酒就襯返呢個價；飮酒緊係要叫盤送酒拼盤～～啤酒屋拼盤$240，有燻意大利煙肉、巴馬火腿、意式風亁牛、橄欖、雅支竹心、甜椒、半乾蕃茄、哥根蘇拿芝士、蒜蓉包，樣様都有四件，啱哂我哋四個人；另外想八下俾飯團知，唔好以為呢間多外國人嘅餐廳貴，D價錢屬合理價，個餐牌每頁下邊仲大大隻字，no service charge絕無服務費，好大賣點🤑