道頓堀御好燒專門店 (K11購物藝術館) (已結業)

今日午餐去咗尖沙咀食呢間大阪道頓崛， 呢間舖主力係食鐵板燒， 所以每張枱都放咗一塊長方形鐵板， 上面就放住一條煙通用嚟吸走油煙。鋪內環境參照日本小店嘅裝修形式， 用暖色系嘅木頭去製造一種溫暖嘅感覺。雖然係午餐， 不過呢度要求每位顧客最低消費港幣100元。第一次光顧嘅我， 直到店員上菜果刻， 先知原來係要自己烹調。 老實講我係有啲失望， 因為就算去到日本食，都係有位師父幫你製作。 如果自己整係可以整得好味嘅話， 咁重要一啲鐵板燒嘅師傅嚟做乜！ 喺呢一方面全部係扣曬分。首先嚟嘅係御好燒， 製作過程就唔算繁複， 跟住佢個張教學圖佢做， 出到嚟嘅效果都唔錯， 落埋燒汁醬， 出到嚟都幾好味， 甚至乎仲好味過師傅製作嘅。之後個文字燒， 佢嘅鹹有九成都係生菜絲， 本身冇配蛋漿， 而且仲好水， 一落鑊煎就知奶嘢。 最後出嚟嘅成品係一pat嘢， 味道唔係難食， 但絕對唔係好食。 再加上生菜絲煮熟之後縮咗水， 個餅細到係用嚟攝牙罅都唔夠。午餐就一人包一杯嘢飲， 加埋一之後就人頭120蚊左右。