影片
更多
2020-10-06
165 浏览
山下菓子 T.O.P. 店而家做緊蠟筆小新 pop up menu，雖然每人最低消費要 $150，但係我覺得小新嘅 fans 一定要去一次，因為除咗甜品之外，店入面都有好多角色同場景嘅佈置畀你打卡，食完之後又有 souvenir 送，其實勁開心🥳。兩個人去，最簡單就係叫個二人餐，包括小食拼盤，兩個主菜，甜品同飲品。小食拼盤有吉列蝦，吉列蠔，明太子雞翼同沙律，炸物比想像中出色，外皮香脆唔太厚，入面仍能保持 juicy，特別係蠔，真心唔錯👍。主菜我哋揀咗卡邦尼意粉同千島醬海鮮 pizza，前者份量多，味道正常，後者略有驚喜：餅底夠薄夠脆，中間嘅芝士同千島醬味道都算濃， pizza 面鋪滿蝦同蜆肉，啖啖滋味😋。嚟得呢度幫襯，食甜品先至係重點，由於套餐嘅甜品選擇唔多，我哋揀咗春日部防衛隊窩夫塔配 Movenpick 雪糕，再散叫多客 “鎮店之寶” 朱古力溫泉彈彈屁股布丁。Waffle 味道普通，最吸睛當然係上面嗰四個印有小新，風間，妮妮同正男嘅 macaron，不過 macaron 永遠都係好睇唔好食，對我嚟講實在太甜😂。至於個 pat pat 布丁，講真就係玩味大於一切，不過食落口都算幾滑溜
兩個人去，最簡單就係叫個二人餐，包括小食拼盤，兩個主菜，甜品同飲品。小食拼盤有吉列蝦，吉列蠔，明太子雞翼同沙律，炸物比想像中出色，外皮香脆唔太厚，入面仍能保持 juicy，特別係蠔，真心唔錯👍。主菜我哋揀咗卡邦尼意粉同千島醬海鮮 pizza，前者份量多，味道正常，後者略有驚喜：餅底夠薄夠脆，中間嘅芝士同千島醬味道都算濃， pizza 面鋪滿蝦同蜆肉，啖啖滋味😋。
嚟得呢度幫襯，食甜品先至係重點，由於套餐嘅甜品選擇唔多，我哋揀咗春日部防衛隊窩夫塔配 Movenpick 雪糕，再散叫多客 “鎮店之寶” 朱古力溫泉彈彈屁股布丁。Waffle 味道普通，最吸睛當然係上面嗰四個印有小新，風間，妮妮同正男嘅 macaron，不過 macaron 永遠都係好睇唔好食，對我嚟講實在太甜😂。至於個 pat pat 布丁，講真就係玩味大於一切，不過食落口都算幾滑溜，配埋底下嘅朱古力醬同米通，唔錯。
除咗送嘅掛飾同膠餐墊之外，紙巾同杯墊都有小新個樣，好值得留念。臨走時，店員哥哥又送咗兩個小新嘅襟章，勁可愛，今次真係滿載而歸😍。
张贴
