豪園麵家 (已結業)

今日放工無飯開，約同事在附近吃埋晚飯才回家，這間炒小菜幾有鑊氣另外蠔仔粥也出色。選擇困難症的我們想了很久，因為款款都想吃如果有四五位朋友來就不用傷腦筋啦！最後點了二人餐，有蠔仔肉碎粥兩碗、拔絲欖角骨、油菜、白飯同例湯。例湯清甜滋潤好足料夠火喉。油菜～腩汁芥蘭疏菜新鮮好脆綠，加上腩汁味道提升。拔絲欖角骨這款招牌菜賣相精緻，紫穌葉新鮮炸得非常鬆脆香甜而欖角骨味道好有層次，吃一口甜甜酸酸之後再有欖角咸香嘅味道。另叫了個小吃～咖喱魷魚咖喱味自家調製特別惹味。蠔仔肉碎粥蠔仔頗多又大隻加埋肉碎同配料味道更鮮美。