蠔門宴 (已結業)

今日來左九龍城搵好野食，我地都無咩心水，行下行下見到呢間食蠔餐廳，但我又怕腥味，但朋友話openrice講到佢地好似幾新鮮，就於入去試下。餐廳內部環境優雅，見到有幾圍客人都點左生蠔同開左酒，生蠔全部大大隻，心諗無入錯餐廳。我地安排坐在蠔吧旁邊，可以睇到師傅即開生蠔，有得睇live，哈哈。而且like 佢地fb, 生蠔有7折，咁梗係like 左先叫蠔啦。當然要食銀門什錦刺身$128，刺身好足量，有八爪魚，三文魚，吞拿魚，蝦，北寄貝，螺肉，睇相都見到厚切上枱，樣樣都好新鮮，非常有水準。上枱時帶子（燒大元貝$144/3隻）仍然出煙夠晒熱騰騰，每隻都有手掌心甘大，鮮味夠，好有咬口，用少少牛油加蔥花就引出帶子香味。朋友試左一隻來自日本小町蠔（廣島蠔$55），成隻蠔有一隻手掌甘大，睇住師傅即開即上，旁邊配上茄汁和檸檬，入口順滑，非常飽滿，完全無腥味，好正～江田島蠔飯$38，朋友試左生蠔，我就試左個蠔飯，始終有飯食會飽D。飯量同屋企個碗差不多大，並且用上日本米，雖然飯好似好上色甘，但味道唔算濃，調味可以再重手一點，蠔方面就普通，未見驚喜。