四海遊龍鍋貼水餃專門店 (已結業)

無意中發現原來公司樓下開咗呢間嘢，記憶所及之前都試過類似嘅鍋貼店叫八方雲集，也是賣快餐式的台式鍋貼和麵食。國金附近食小有這類麵食店，樓下香港站只有北京拉麵店，現在可謂多一個選擇。十二點落到嚟諗住食個Early Lunch， 店內嘅客人十隻手指都數得晒，但同事仔臨時改變主意話買外賣。咁早店內無咩客，外賣又無其他人等緊，咁我啲外賣正常應該會好快，叫咗個水餃麵配鍋貼套餐連熱豆漿($35)，點知等咗成十幾分鐘先有得攞! 真係唔明整邊樣嘢整得咁耐!鍋貼皮厚度算正常，但餡料小而且很鬆散。湯底好油，麵條有點似刀削麵，偏腍，味道可以不過分量小。菜肉餃子味道還可以，缺點都係餡料小。整體嚟講味道都不算很差，三十五蚊嘅價錢同其他係ifc買到嘅快餐價錢貴小小，但係蟻速就一定要改善。