越之味 (德民街) (已結業)

呢間係一條巷仔內既小店，若非網上睇到介紹，我應該唔會發現到呢間餐廳。雖然餐廳名叫做三文治專門店，但係我當日就只係試咗佢嘅蟹膏蟹肉撈檬，同埋佢嘅蘋果沙冰。係唔係望唔到蟹肉呢？其實收埋晒係個蟹餅到，而係佢上面果一堆醬就係蟹膏。加埋撈檬粉嘅汁，個人覺得蟹膏嘅味唔夠突出，所以份量再多少少會更加好。而朋友叫嘅都係同一碗粉，不過加$5要左麻辣醬，我試左一啖，個醬或多或少都會掩蓋左蟹味，但多左份香辣後更為惹味，辣度唔算高。成碗檬粉嘅精髓在於個蟹餅真係超級真材實料，而且唔會得蟹肉但淡而無味如果可以加錢要多塊就更好！！蘋果沙冰，好真實嘅蘋果味，唔會太甜，好飲係一間值得支持既小店：）