麵屋丸京

营业中

休息中

牛頭角附近得佢一間拉麵，平日lunch time都幾多人，如果早少少大概12:30左右就唔使等位。餐廳有限定湯底，價錢加$12至$20不等。今次就試吓蟹膏蟹肉濃湯。-豚骨拉麵$78 + $20轉蟹膏蟹肉濃湯上枱嘅時候係幾香，即刻試咗一啖湯，蟹肉味都幾香濃，第一印象唔錯。麵質方面，雖然無得揀軟硬，但軟硬適中。本身都幾滿意，但食食下發現餐廳冷氣太大，個湯好快就吹到唔熱，有啲扣分。 叉燒方面，餐廳有真叉燒（即慢煮叉燒）同普通叉燒兩款。呢款平少少嘅普通叉燒唔會好鞋，個人覺得OK。反而隻蛋我認為有改進空間，蛋黃偏向流心，但敗筆在於完全唔入味，好淡，會情願走蛋平$10。