漁記大閘蟹專門店

今日入元朗探朋友，落車係附近周圍行下，見到有間專賣大閘蟹既舖頭，靚女老闆娘熱情又有禮咁介紹來自江蘇既無激素大閘蟹，見到價錢都幾相宜，一於買幾隻同朋友一齊開心SHARE！

今次買左三公一乸，特別一讚店舖會好貼心咁教蒸蟹方法，仲整埋單張比客人，而且仲會送埋蟹剪、紫蘇葉同蟹醋，唔洗自己加錢買，真係好窩心！

拎到去朋友屋企，D蟹仲好生猛，真係好新鮮呢！！

洗淨後用紫蘇葉清蒸大約20分鐘就食得～蟹肉鮮甜、蟹公蟹膏綿密細滑、蟹乸甘甜香口，隻隻都超多膏，入口香濃馥郁，真係令人食唔停口啊！