河內越式料理 (村南道)

营业中

休息中

去開大圍，見到火車站對面新開左間越式粉麵，門口好多人排隊等外賣同堂食座位，試下先。有各式湯粉/撈檬/飯類，亦有套餐、小食，選擇頗多。順化蕃茄蟹肉扎肉湯檬每次食越南菜必點既蟹肉湯檬，材料豐富，有扎肉、蕃茄、蟹肉等，湯頭香濃鮮甜，檬粉彈牙爽滑。極品牛三寶湯河粉有齊生牛肉、牛展、牛丸，生牛肉牛味濃郁口感嫩滑，牛展煙韌、牛丸爽脆，河粉入口滑溜，份量頗多。越式豬頸肉香茅味陣陣撲鼻，豬頸肉惹味又香嫩，啖啖彈牙爽口，正。越式炸蝦餅口感極香脆，炸得剛好，質感厚實，咬開Q彈，蝦味濃鮮。鮮芒果西米露綿軟細滑，入口爽滑，芒果鮮甜，口感層次豐富。椰青椰水濃郁清甜，椰肉嫩口，清凉又解渴。