池記 (已結業)

星期二同朋友嚟左呢度食晚飯,朋友話上次嚟食時已見到有蟹粥好想食,所以就嚟左同佢一齊叫嚟試下啦,我地兩個人叫左一個金衣蟹皇粥跟炸鯪魚球餐,另一個叫左牛筋麵+介蘭.介蘭好快就到,都好青綠及大碟喎,幾爽甜新鮮呀,唔會好老,啱啱好.牛筋麵都好味,牛筋唔算好肥,都幾多件架,雖然碗麵唔係好大,但係都好足料及入味呀.個蟹粥嚟啦,都幾大桶喎.成隻蟹架,好足料,隻蟹仲要係羔蟹,d粥有些羔係度,好味呀,好綿身及鮮甜呀,隻蟹都好好味,好多羔架,又多肉喎,正呀.炸鯪球都有五粒架,加埋碗蜆蚧醬一齊食,鯪魚球炸到金黃色,好香口及好味,唔會好鯹.好味及配埋個醬就正呀我見呢度都幾多人嚟食晚飯喎,都幾多選擇及配撘呀.