影片
更多
2006-12-24
30 浏览
好耐都未試過同一大班朋友响香港食飯，是晚同阿K買咗套衫準備去飲之後，我地同幾位朋友去咗寧波旅港同鄉會食晚飯。聽那裡嘅侍應講，由明年開始此店只招待會員。不過唔駛驚，任何人都可以成為會員，只要俾廿蚊入會費同埋每年廿蚊年費就可以繼續享用此店所提供嘅菜色。今次唔係我負責點菜，不過友人點菜嘅功力亦不怠。所點菜色如下：燻蛋涼拌海蜇醉豬腳蟹粉豆苗砂鍋雲吞雞樟茶鴨小籠包豆沙鍋餅筆者以前從未食過燻蛋，所以唔係好知點樣嘅燻蛋為之最好。憑直覺覺得這裡嘅燻蛋整得幾好味，蛋黃好似糖心蛋一樣，軟軟地又甜甜地，好好味；至於蛋白嘅味道稍弱，可能整得好食啲嘅話會有唔同。涼拌海蜇味道是可以的，不過菜色係比較普通，相信好多食肆都做得到。醉豬腳嘅水準頗高，豬腳完全入晒味，筆者不禁食完一隻又一隻。砂鍋雲吞雞有好多雲吞，我地六個人起碼可以分到三粒。湯嘅火喉夠，湯呈淺白色，係長時間肴雞嘅結果。蟹粉豆苗係咁多樣餸最貴嘅一道，成三百五十蚊，因為蟹粉嘅份量比豆苗多好多，幾乎係二一之比，所以價錢係可以預見的，用咗咁重份量炒出嚟嘅豆苗，想唔好食都幾難，我食咗一轉之後已經食唔到第二轉。小籠包嘅湯汁份量可以用十分多嚟形容，我需要咬開包少少，飲一
燻蛋
涼拌海蜇
醉豬腳
蟹粉豆苗
砂鍋雲吞雞
樟茶鴨
小籠包
豆沙鍋餅
筆者以前從未食過燻蛋，所以唔係好知點樣嘅燻蛋為之最好。憑直覺覺得這裡嘅燻蛋整得幾好味，蛋黃好似糖心蛋一樣，軟軟地又甜甜地，好好味；至於蛋白嘅味道稍弱，可能整得好食啲嘅話會有唔同。涼拌海蜇味道是可以的，不過菜色係比較普通，相信好多食肆都做得到。醉豬腳嘅水準頗高，豬腳完全入晒味，筆者不禁食完一隻又一隻。砂鍋雲吞雞有好多雲吞，我地六個人起碼可以分到三粒。湯嘅火喉夠，湯呈淺白色，係長時間肴雞嘅結果。蟹粉豆苗係咁多樣餸最貴嘅一道，成三百五十蚊，因為蟹粉嘅份量比豆苗多好多，幾乎係二一之比，所以價錢係可以預見的，用咗咁重份量炒出嚟嘅豆苗，想唔好食都幾難，我食咗一轉之後已經食唔到第二轉。小籠包嘅湯汁份量可以用十分多嚟形容，我需要咬開包少少，飲一大啖湯汁，再品嚐肉餡嘅鮮味。本來成個晚餐係水準以上，不過樟茶鴨實在太普通，完全食唔出有乜嘢樟茶味，係比較失色嘅一味。飯後嚟一客豆沙鍋餅，結束是晚宴會，鍋餅熱辣辣，合格有餘。
我地一行六個人食咗一千零八十蚊，每人一百八十蚊，價錢中等啦，最主要係蟹粉豆苗令每人用多差唔多六十蚊。整體感覺係食物中上，但比佢出色嘅食店都唔少，以咁上下價錢可以食到更加好味嘅菜餚。
张贴
