🍜 上海擔擔麵
麵條勁道，湯底濃郁，花生香氣突出。特別要提係呢度嘅擔擔麵係不辣版本，適合唔食得辣但又想品嚐傳統風味嘅朋友。整體風味溫和順口。
🔥 火焰紅燒乳鴿
上桌時香氣四溢。乳鴿外皮燒得香脆，肉質鮮嫩多汁，整體風味不錯。
🦀 蟹粉浸小籠包
‼️重點推薦‼️呢道絕對係驚喜之作！金黃濃郁的蟹粉醬另上，份量多到驚人～熱氣騰騰，蟹香撲鼻。小籠包皮薄餡多，夾起後浸入滿滿的蟹粉醬中，雙重鮮味在口中爆發！
🌟 隱藏食法：蟹粉多到食唔晒？我哋靈機一動... 將剩餘嘅蟹粉醬攞去撈擔擔麵！🤩原本溫和嘅擔擔麵瞬間升級成為「至尊蟹粉撈麵」，每條麵都掛滿濃稠蟹粉，鮮味爆棚，簡直係邪惡級美味！
🥤
豆漿香濃順滑，甜度適中，完美平衡濃郁蟹味。
整體來說，呢度嘅蟹粉料理絕對值得一試！環境舒適，裝潢古色古香中帶現代感，適合朋友聚餐。今次發現嘅「蟹粉撈麵」食法更加係意外驚喜～
1
