家族聚餐梗係要揀間有質素、有口碑嘅店啦！今次帶住屋企人沖尖沙咀「喜記」，呢間屹立 60 年嘅老字號海鮮酒家，果然名不虛傳，食完成班人都話「正到痹」！
喜記正宗炒辣蟹（招牌中的招牌！）
來喜記唔食炒辣蟹根本等於白嚟！他們沿用了當時於避風塘採用的配方炮製炒蟹，用上大量蒜頭王、辣椒、十多種配料等為炒蟹調味，香氣四溢。新鮮揀選嘅大肉蟹，蟹肉飽滿到溢出，咬落啖啖鮮甜彈牙～ 辣度調得岩岩好，唔會嗆喉，反而帶住濃郁嘅蒜香同秘製醬汁味，連蟹殼都炒到金黃油亮，入味到極！最正係蟹鉗，夠曬厚肉，吸曬醬汁D精華，食完真係要舔埋手指先舍得停！
椒鹽鮮魷（下酒 / 解膩神器！）
即叫即整嘅椒鹽鮮魷，上台時仲熱辣辣、香喷喷！炸皮好薄好酥脆，咬落「咔嚓」聲超治愈，裡面嘅魷魚卻保持住彈牙爽口嘅質感，完全唔會靭到咬唔開～ 椒鹽調味好惹味，鹹香帶少少麻，送酒真係一流
孜然牛仔粒（高級感滿分！）
除咗海鮮，呢度嘅肉餚都好有驚喜！煎到表面微微焦香，鎖住滿滿肉汁～ 咬落軟嫩到入口即化，秘制酱汁嘅獨特香氣同牛肉嘅脂香完美融合，鹹香帶住少少甘醇，每一夠都係幸福感，長輩都話「呢個牛肉正！」
招牌蟹油炒麵（蟹香十足！）
炒辣蟹嘅最佳 CP 非蟹油炒麵莫屬！師傅火候控制得超到位，炒麵乾身唔油膩，每條麵都均勻裹住金黃蟹油，香氣撲鼻～ 入口除咗麵條嘅彈牙，仲有淡淡蟹鮮味滲透出嚟，鹹香適中，完全唔搶味，吸埋炒辣蟹嘅剩餘醬汁，簡直係人間至味，小朋友都食咗兩碗！
呢間老字號真係做到「食材新鮮、火候十足、味道正宗」，每道菜份量都好足，一家大細圍埋一枱，熱熱鬧鬧食到飽到捧肚，價錢亦都合理，性價比好高，服務好，無論係家族聚餐、朋友聚會，都絕對值得二刷三刷～
