蟹慶 (已結業)

前菜係蟹肉三文魚籽沙律同漬物牛旁，口感非常清新，愈食愈開胃～刺物池魚質感幼滑細緻，清爽～中拖羅重魚香，油脂平均唔會咬到成口油～帶子新鮮而且鮮甜可口，赤蝦質感爽口彈牙。甲羅燒配多士，蟹膏燒得好香口，配多士爽脆口感味道一流～黑魚子海膽膏肉蒸蛋，上面仲有一絲絲蟹肉，蒸蛋嫩滑順口，仲有黑魚子海膽相當矜貴。然後係我最期待嘅日本時令活蟹，毛蟹！食蟹當然要清蒸最鮮味啦，再用埋特定嘅蟹醋，鮮甜無比，太正啦～～鹿兒島A5和牛，燒得香口一咬入口即溶，再加少少芥末更提升牛肉味～濱燒雪場蟹腳將水份收乾，令蟹味更濃，蟹腳啖啖肉。松葉蟹釜飯，侍應將豆角、黑松露、香蔥、三文魚籽，撈落蟹飯，口感豐富，黑松露好香濃～最後係綠茶奶凍，非常香滑，好完滿嘅一餐～～