影片
更多
2021-03-29
946 浏览
今日返工真係有D辛苦, 又未到 weekend, 最好就可以同一班朋友聚一聚, 消遣下.聽到話有個地方有蟹食, 又有清酒飲, 一於去試吓啦. 個位置真係好方便, 就係喺崇光隔離. 蟹慶, 一D都吾難找.步入餐廳, 除了看見池缸的蟹游得好活躍, 重見到部好大嘅清酒機, 有超級多種酒類. 第一次見餐廳有這部清酒機, 覺得好新奇, 清酒種類多, 有唔同牌子及產地, 總共18款, 每一杯要兩個至四個金幣, 店員推薦我哋叫清酒任飲, 而家做緊優惠, $198 有 150 個金幣, 過程好簡單, 首先喺電話下載程式, 每次喺部機度一杯出 30ml 清酒. 由於限時 90 分鐘, 基本上都唔會用得晒啲金幣, 所以查實係任飲.可以一次過試晒唔同嘅清酒, 絕對係物超所值！真係越飲越興奮 !!飲完啲凍嘅清酒, 當然要食返個餐. 我哋叫咗個 蟹慶會席 ,前菜 (三點), 看來清爽, 菜沙律有我仲意的魚籽, 另有牛蒡, 青瓜, 開胃 !蟹肉蒸蛋, 熱辣辣.啱晒出邊仲未熱嘅天氣, 啱啱春天開始，其實都仲有一絲嘅涼意。最緊要, 就係個蒸蛋都幾足料, 到底都仲有好多材料, 有蝦
聽到話有個地方有蟹食, 又有清酒飲, 一於去試吓啦. 個位置真係好方便, 就係喺崇光隔離. 蟹慶, 一D都吾難找.
步入餐廳, 除了看見池缸的蟹游得好活躍,
重見到部好大嘅清酒機, 有超級多種酒類. 第一次見餐廳有這部清酒機, 覺得好新奇, 清酒種類多, 有唔同牌子及產地, 總共18款, 每一杯要兩個至四個金幣,
店員推薦我哋叫清酒任飲, 而家做緊優惠, $198 有 150 個金幣, 過程好簡單, 首先喺電話下載程式, 每次喺部機度一杯出 30ml 清酒. 由於限時 90 分鐘, 基本上都唔會用得晒啲金幣, 所以查實係任飲.
可以一次過試晒唔同嘅清酒, 絕對係物超所值！真係越飲越興奮 !!
飲完啲凍嘅清酒, 當然要食返個餐. 我哋叫咗個 蟹慶會席 ,前菜 (三點), 看來清爽, 菜沙律有我仲意的魚籽, 另有牛蒡, 青瓜, 開胃 !
蟹肉蒸蛋, 熱辣辣.
啱晒出邊仲未熱嘅天氣, 啱啱春天開始，其實都仲有一絲嘅涼意。最緊要, 就係個蒸蛋都幾足料, 到底都仲有好多材料, 有蝦, 又有蟹肉, 蒸蛋控制時間剛好, 整得好滑.
由廚師發板, 刺身四款, 有赤貝, 甜蝦, 鰹魚, 金目鯛, 新鮮時令魚, 色澤明亮. 厚切大件, 肉質柔軟, 極鮮甜. 甜蝦：蝦肉肉質彈牙柔順富膠質, 香濃鮮甜. 極好味.
蒸毛蟹 (半份) 松葉蟹就食得多, 但係今日店員推薦試一試栗蟹, 話係日本北海道嚟嘅.
蟹膏多, 入口好似蛋白, 蟹膏味甘香, 但吾肥膩.
蟹肉多, 加點日本蟹醋, 更開胃.
蟹肉肉質比較柔嫩, 啖啖肉咁, 係絕對係鮮味, 溫度啱啱好, 唔會太熱或太凍.
食完蟹之後, 都想食返啲熱嘢. 送來 極品海鮮天婦羅盛合, 天婦羅炸得香口吾油膩, 冇得輸 !!
熱辣辣加脆卜卜, 分別有蟹肉, 大蝦, 番薯仔等等食材, 粉唔會太厚. 天婦羅師傅有一定嘅技巧. yummy !
我哋加咗 $350- 食埋個日本 燒 A5 和牛扒師傅拎咗個爐加塊鐵板過嚟, 熱辣辣, 好快打火, 好即興!! 師傅隨即把和牛放上鐵板上.
小型鐵板燒, 有如迷你私房菜,
燒 A5 和牛扒, 油脂香氣濃, 重牛香, 肉汁豐富, 極好食.
切開嘅牛肉肥瘦均勻, 油脂分佈平均, 放入口差不多入口即溶,
店員會 調教到 我們喜歡嘅生熟程度, 服務真細心.
吸物 面鼓湯 , 傳統熱熱的湯, 暖入心. 營養美味又健康, 好飲.
最後主食, 有一個 松葉蟹肉釜飯. 店員又送上爐具, 用了好傳統日式（釜飯）, 連同醬汁, 調味料, 蔥, 芝麻送上.
釜飯有蟹鉗, 蟹籽及豐富嘅黑松露, 米飯用的是珍珠米, 口感細滑.
口感暖暖, 蟹鉗肉鮮嫩, 蟹籽卜卜脆, 真滋味, 大力讚！
餐後, 送上日本缺餅及抹茶奶凍, 甜品一樣好岩食. 這個餐, 我們感覺好完美.
總結來講, 呢間係一間良心小店, 又俾咗我同我啲朋友一個好開心嘅一個晚上, 傾傾偈, 說說笑, 就可以回想起當年去日本好開心嘅日子, 希望我哋出行嘅時間越嚟越近啦！
张贴
