蟹仙海鮮蒸氣鍋 (仁愛街) (已結業)

我覺得我前世應該係浸死嘅，唔係點解我今世係海入面撈上嚟有殻嘅嘢我都會咁鍾意，應該算係一種報復，言歸正傳今日去蒸氣鍋主題係蟹，因為我住附近嘅關係所以過嚟非常之近，坐低第一時間老闆就介紹蟹嘅分別，其實我冇留心聽過佢講乜嘢，我淨係眼甘甘咁望住係個透明缸入面嘅蟹，呢隻都好生猛，好似想爬出嚟咁，我亦都好想配合將佢哋放晒入個鍋入面都蒸，妄想症發作，好啦有嘢食，首先有貝類，好正全部都無沙，食貝類我最怕係會有沙，之後就到我最愛嘅魚，好鬼滑啊，最後找到蝦同蟹，改名叫得做蟹唔使講冇得輸，最後仲有個粥，但我已經飽到食唔落。