奈良上釜 (已結業)

一見到奈良上釜呢間餐廳，令我有叮一聲既感覺，每次去奈良都是匆匆忙忙，沒時間品嚐當地美食，而釜飯在香港很少見，印象中第一間釜飯專門店，令我好想黎試下。叫左新出既蟹盛釜飯，先食左冷盤凍松葉蟹腳，好細心咁開左殼，輕輕用筷子尖端就可以將蟹肉撩出黎食，味道鮮甜！跟住天婦羅蟹腳，天婦羅炸得薄脆，蟹肉質感綿密細緻，蟹味超濃的呢！跟住換上另一盤，先食蟹鉗蒸蛋，蛋蒸得好滑溜又唔會太過水稀稀，有一大隻蟹鉗都係咁鮮味，配上滑滑冬菇，好有日本風！最後係熱辣辣既釜飯，放上好多手拆蟹肉、濃濃蟹膏同蟹子，底下既飯係淺啡色已調過味，撈勻晒黎食，蟹香十足，味道方面比較清，調味唔重手，感覺好健康，米飯方面，好快就出現飯焦，因此飯粒較有嚼勁。