Mr. Crab by The Captain's House (已結業)

每次經過灣仔見到Mr. Crab 隻qq蟹公仔都會比佢吸引眼球，之前已經試過佢地主打Seafood Combo，所以今次試佢地嘅Weekend Brunch Set! 入到餐廳見到唔同地方都有擺放Mr. Crab嘅裝飾，就連餐枱墊都印有佢，望到係幾開心嘅，而餐廳座位之間間隔都算闊落，感覺幾舒服。 今次試咗Mr. Crab All Day Breakfast 同 Crab Meat Linguine Carbonara，蟹肉扁意粉份量都幾足，而蟹肉亦幾多，每啖都食到，至於個sauce比較稠身，配合埋煎到微微焦脆嘅煙肉，成件事好邪惡，but I like it! 另外蟹先生全日早餐材料幾豐富，而食材基本上同其他餐廳差唔多，不過呢度嘅全日早餐最特別係有蟹餅同埋墨西哥沙律，味道亦唔錯，如果蟹餅可以再大塊啲會更開心！🤣🤣  同埋全日早餐嘅擺盤幾colorful，好適合打卡。🤣 Brunch Set包一杯熱餐飲，用杯熱騰騰嘅咖啡作結尾，成件事滿足哂。