我地book左6點，入到去，都只係得番2張吉枱
訂位時已經訂埋醬蟹，今次先試唔辣先。上次喺三木食醬蟹，咸得過份，所以都有啲陰影，但醬蟹係呢度名物，點都要試下。主角登場 ，侍應將辣椒，洋蔥剪開，再送埋個紫菜飯黎，即刻開動。先拎個蟹蓋，加啲飯同醬汁，撈埋啲蟹膏，嘩，好鮮甜，加上紫菜既香，醬汁既微咸同甜，真係好好味，一試難忘。之後再試下啲蟹肉好甜，細細隻，一人一隻剛好。
食完個蟹已經好飽，而再黎既海鮮大醬鍋亦比較平凡 ，味道亦偏淡。海鮮有蝦，蟹，蜆，青口，帶子。。尚算豐富
總結，黎呢度一定要試醬蟹，記住早兩日book 定呀
