成都小巷 (已結業)

成日都係食街知巷聞嘅米線，今次就試下呢間小巷米線。次次都係揀果幾款配料真係好厭，想試下特別嘢，發現呢度有蟲草花雞湯米線，都幾養生下。一於就叫嚟試下先啦。湯底清甜，雞都煮得幾滑，蟲草花配米線，口感幾好。適合偶爾想食啲清淡嘢，唔想食咁重口味嘅人。朋友就揀咗麻辣水晶紅薯粉，佢話隻辣味都整得幾好，夠麻又唔會太辣。配上麻辣腩肉食得幾過癮。我好奇都試咗兩啖，同我果碗完全唔同風格，惹味好多！不過雖然係小店，但環境都讓人覺得乾淨明亮，坐得舒服嘅。