麗島小廚 (已結業)

今日食咗個蟲草花午餐，原因係揀咗荷葉籠仔蟲草花蒸雞飯之外，是日例湯竟然係南瓜蟲草花煲唐排，所以無啦啦變咗做蟲草花午餐。講返個是日例湯，無落味精，真係好掂，D南瓜煲到溶晒，D排骨又無雪藏味，超級正，直頭想要多一碗黎飲。個荷葉籠仔蟲草花蒸雞飯好大籠，份量真係絕無欺場。佢D雞嘅質素都幾好，可能呢間舖頭晚市做雞煲所以D雞都靚D啦。佢成個Set除咗個例湯之外，仲跟埋一碟油菜，另外仲有一杯餐飲，真係幾豐富。餐飲我叫咗凍檸茶。