蝦麵店 (荃新天地) (已結業)

蝦麵店係主打賣馬來西亞式湯麵，有辣蝦麵湯底、咖喱喇沙湯底、豬骨雞湯、福建滷湯，各有特色，真係唔知點揀。除咗湯麵之外，呢度仲有好多馬來西亞地道小食，所以今日貪食嘅我又叫咗一個二人套餐，足足有4分小食、兩碗湯麵、同埋兩份甜品，超級豐富！！湯麵係自選湯底，同埋自選配料，配料方面有魚片四寶、雞絲雞蛋、蝦肉等等...麵底都係自選，所以總有你心水！我哋今次試咗咖喱喇沙湯底配魚片四寶，魚片四寶有魚片頭，貢丸、墨魚丸、同埋喇沙必備嘅豆卜。咖喱喇沙嘅湯底好濃郁，望落好似好辣咁，但其實都係小小辣，反而個咖喱味幾突出，各種咖喱香料(馬來西亞咖喱、蝦膏、香茅、南薑、辣椒、蒜頭、黃薑粉)以慢火兜炒4-5小時，迫出香味！個人認為咖喱喇沙係一定一定要配油麵而另一碗揀咗清淡啲嘅豬骨雞湯，可以試真啲佢湯底個味呀嘛！雞絲雞蛋檬粉～依本相對之下真係比較清淡，但係同時就會食得出湯底嘅鮮味，不過如果鐘意重口味嘅朋友仔，建議嚟到蝦麵店一定要試吓佢重口味嘅湯底姐係喇沙或者辣蝦麵湯底小食包括馬來西亞炸雞翼，即叫即炸熱辣辣，香脆可口！仲有馬來西亞雞脾肉串，醬汁惹味另外係最鍾意嘅沙嗲醬魷魚配秋葵樂樂，依個沙嗲醬好impressive，好