小曼谷泰國美食 (南角道)

营业中

休息中

放寬左晚市堂食，第一時間約朋友黎食小曼谷。今次叫左佢既炸豬手，豬肉、牛肉、雞軟骨沙嗲串，蝦膏海鮮炒飯。飲品就要左杯龍眼冰同個椰青。蝦膏海鮮炒飯非常出色，面頭有炒蛋，蝦膏炒飯好入味。入面啲海鮮都好足料，有大蝦，尤魚，蝦米。串燒亦都燒得恰到好處，配合埋佢地沙嗲醬，更加惹味。炸豬手一如以往咁出色，炸得香脆，又切好晒一舊舊，十分貼心。椰青夠清甜，椰肉亦易刮，口感爽滑👍🏻 龍眼冰，粒粒果肉，消暑又飽肚。環境都乾淨企理，侍應又好禮貌，下次可以再黎。