麻辣風雲 (荃碧大廈) (已結業)

今日黎到麻辣風雲呢間餐廳我覺得佢呢間餐廳座位好寬敞坐得真係幾舒服，仲要每張凳都係梳化椅！首先我哋今日叫咗幾樣餸菜分別就係霸王蝦球！嘩我諗都冇諗過隻蝦咁大隻呀，仲要揸得金黃酥脆非常香口。炸粉唔會太口我覺得真係幾正㗎 ！仲要用咗唔同嘅配菜一齊炒香，香濃又惹味！另外仲叫咗麻辣雞翼尖，我已經好耐冇食過雞翼尖啦因為好耐冇去過元朗，竟然比我喺呢個Menu度見到我毫不猶豫就叫咗啦！果然冇令我失望真係好好味呀。最後我仲叫咗佢哋人氣之選炸饅頭，可能你會話呢個炸饅頭有咩咁特別。佢特別之處就在於架船！店員仲幫我哋喺船身度加咗乾冰令到佢有一個冒煙嘅效果！