周記點心

营业中

休息中

路經西環想飲茶，揾到呢間周記有點心食既茶餐廳，見到有咁多好評就試下啦！點左名物奶皇流沙西多士，蝦多士，蝦餃同xo醬炒腸粉，本來想試埋燒賣，但見佢既點評麻麻，都係留返d quota。 蝦多士真係有驚喜，雖然唔係熱辣到岩岩整起，但蝦滑份量十足又彈牙，芝麻勁香，麵包又脆，夾埋好啱我口味！相信如新鮮熱辣應該更好味！奶皇流沙西多個函多得滯，西多浸泡在奶皇流沙中，d 流沙食唔哂，少1/3 都夠食！蝦餃同腸粉都係合格但普通無咩特別。餐廳係茶餐廳格局，櫈係無靠背唔會坐得耐。而且每人必須點一份食物，想飲杯茶都要收$3/位茶錢，感覺好似去左遊客區。