豊之丼 (已結業)

今日經過中環, 搵地方食午餐，威靈頓街一向都有好多食肆，有簡便的粉麵，也有高級食肆。揀咗呢間食日本魚生飯為主既餐廳。餐廳內裝修充滿日本風格，見到有一排日本酒既擺切，甚有睇頭，仲以為係居酒屋添，但原來只售特色魚生飯。叫了海老丼$148，先上沙律，新鮮菜有酸味沙律醋汁開胃，到主菜，海老丼$148，成碗排滿晒一隻隻新鮮蝦刺身，好大隻，有成隻手指咁長，咬下黏口夠晒鮮甜，非常滿足，食到好開心，真想哈哈大笑，我稱為蝦哈哈丼，還有一大舊厚燒玉子配飯，旁邊還有酸薑更加開胃。